TV Schedule
ཀུན་གླེང་། ༢༠༢༢ ལོའི་ཟླ་༧ ཚེས་༢༩
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་མིའི་སྒྲིག་འཛུགས་ཀྱི་གཏན་འཇགས་ཐབས་ཇུས་འཆར་འགོད་ཚོགས་ཆུང་གི་ཚོགས་འདུ་མཇུག་བསྒྲིལ་བ་དང་། ཨ་རིས་རྒྱ་ནག་ལ་ཁ་གཏད་ཀྱི་གློག་ལམ་ཉིང་འདུས་ཁྲིམས་གཞི་བཏོན་པ། དབྱིན་ཇིའི་མ་འོངས་འགོ་ཁྲིད་དང་། ཡུག་ཀེ་རན་གྱི་དམག་འཁྲུག ཨ་རི་དང་རྒྱ་ནག་འགོ་ཁྲིད་ཀྱི་བཀའ་མོལ་སོགས་ཡོད། དེ་རིང་གི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་བོད་ཀྱི་ཆབ་སྲིད་བཙོན་པ་གྲགས་ཅན་དགེ་འདུན་རིན་ཆེན་ལགས་ཀྱིས་ཐེངས་དང་པོར་བཅར་འདྲི་དང་ལེན་བྱས་ཏེ་ཁོང་གི་ལོ་རྒྱུས་དང་བོད་དོན་འཐབ་རྩོད་སྐོར་གྱི་ཉམས་མྱོང་ངོ་སྤྲོད་བྱས་ཡོད། ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་དང་བླངས་ཞུ་གཏུག་ལས་འགུལ་ཚུགས་དགོས་པའི་དམིགས་ཡུལ་དང་། ད་ལྟའི་ཆར་ཚོགས་མི་འཛུལ་ཞུགས་བྱེད་མཁན་ག་ཚོད་བྱུང་བ་སོགས་ཀྱི་ཐད་ཕྱི་དྲིལ་འགྲོ་བ་མིའི་ཐོབ་ཐང་ཚན་པའི་འགན་འཛིན་འབྲུག་བསྟན་སྐྱིད་ལགས་དང་གླེང་མོལ་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།